Vi raccumannu, mi dissi me nann

TI RACCUMANNU,
MI DISSI ME NANNU
Attenta: ti raccumannu
mi dissi un jornu me nannu:
A parrari quannu piscia la jaddina
Nun perdiri la via
attenta a cu duni la fiducia
abbassa l'occhi quanno c'è, cu ti talia!
La risata riservala a to matri
steni lu pedi,quantu lu linzolu teni,
Lu maritu tenìtillu strittu
l'omu è cacciaturi
sì nun torna oj torna dumani
Attenta a zoccu dici,a zoccu vidi:
teni occhie e vucca chiusa
sinnò c'è, cu, nun ti duna paci
E sì la soggira ti è nimica
cu na risata fattìlla, amica:
è l'unica ca ti pò distruggiri la vita
Ti raccumannu, nzigna l'arti e mettila di parti:
morti e maritu nun aspittari quannu veni;
Attenta a nun perdiri la vintura:
sinnò resti sula comu un cani:
teni la lingua a lu sò postu,
e lu vuddicu nun fari scattari
E na picciotta: si scantaja puru a ciatari!
mentri lu munnu curria
Idda ristaja Timurata....
liccannusi, sarda salata.
Ora nuddu teni a sti valura:
sì accussì si ponnu chiamari!
Li fimmini puru la notti, sunnu strati strati:
divìntannu preda di lì scapistrati
Peggiu di l'omu,ca nun hannu chiù attributi!
Aspettanu la ficu n'mucca
mentri lu munnu và sempri, nfunnu;
comu mastru ramunnu;c'havia,
na muggheri senza funnu.
1
Lì picciotti a 30-40 anni:
su chiamati sempri picciriddi!
stànnu sutta lu fadali di la matri
cu piattu prontu e causi stirati
Lu munnu è tuttu suttancapu:
comu Santu Stefanu ca finì mpinnuliàtu
a testa sutta,senza piccatu
Unni c'è un populu ca parranu tutti:
nuddu cumanna,nun c'è ne testa ne cuda,
e sì mancianu sulu passuluna
Ci voli comu smoviri li santi:
Puru iddi sù beddi ncazzati!
ficiru sciopiru dicennu:
Stu populu, è tuttu scimunitu!
facemu puru nuàtri li surdi e li muti:
Quannu scoppanu cu culu nterra:
ritornanu a li valura,e a la matri terra:
Lu rispettu è misuratu,
cu lu porta l'havi purtatu
Vi raccumannu populu, ngratu:
nun pirdìti lu sennu:
Ci voli sempri, un capu:
e si nun vi piaci; lu sdirrubbati!
Sì cumannati tutti, e nuddu
teni lu timuni, v'anniàti!
finiti nta lu funnu di lu mari:
e lu populu ritorna, schiavu,
mentri c'è sempri cu
teni lu vastuni n'manu
LAURA LA SALA
2