...

Fegl Ufficial Surselva (nr. 12)

by user

on
Category: Documents
16

views

Report

Comments

Transcript

Fegl Ufficial Surselva (nr. 12)
Publicaziuns dalla vischnaunca, jamna 12
Damonda da baghegiar
2016-1014.001
Remplazza la publicaziun dils 4 da mars 2016
Datum dalla publicaziun: ils 24 da mars 2016
Il patrun:
Vischnaunca Disentis/Mustér, Via Cons 2, 7180 Disentis/Mustér
Il representant: Biro d’inschignier Iso Mazzetta, Via Principala 125, 7166 Trun
Object:
Sanaziun dalla sbuccada dalla Via Gonda ella Via Lucmagn, parcellas 963, 964,
947 e 765, Via Gonda e Via Lucmagn, 7180 Disentis/Mustér
• Ils plans da construcziun ein deponi tier l’administraziun communala.
• L’investa publica cuoza 20 dis dapi il datum dalla publicaziun.
• Eventualas protestas encunter sura damonda da baghegiar ein d’inoltrar a scret enteifer 20 dis
all’instanza da baghegiar, caum postal 57, 7180 Disentis/Mustér.
La protesta sto esser motivada e suttascretta dil recurrent ni da siu representant.
Disentis/Mustér, ils 21 da mars 2016
Uffeci da baghegiar Disentis/Mustér
Invitaziun ad ina sera d’informaziun publica
Cu: Mesjamna, ils 6 d’avrel 2016 allas 20.15.
Nua:
Center sursilvan d’agricultura a Salaplauna
Program
1. Orientaziun davart il project e la finanziaziun dils cuosts dalla meglieraziun funsila
2. Discussiun
Geraua Cecilia Maissen-Desax ed il president dalla cumissiun
da meglieraziun, Walter Deplazes, vegnan a presentar il project e star a disposiziun
per rispunder damondas.
Cordiala invitaziun a tuts interessai.
Suprastonza communala
Planisaziun d’areal Catrina
Publicaziun da cooperaziun
Igl intschess dil plan d’areal Catrina cumpeglia las parcellas 1328, 1329, 1330, 1331, 1332, 1333,
1338 e 3845 a Sontga Catrina. Cun caschun dall’approbaziun dalla revisiun parziala dalla planisaziun locala ils 29 da november 2015 han votantas e votants definiu per quellas parcellas obligontamein ina planisaziun consecutiva en fuorma d’ina planisaziun d’areal. La procedura pil plan
d’areal succeda tenor las prescripziuns d’art. 46 e suandonts dalla lescha davart la planisaziun dil
territori dil cantun Grischun (LPT). La planisaziun duei possibilitar da realisar sigl areal pertuccau
ina surbaghegiada formada e nezegiada da maniera optimala.
Questa publicaziun succeda ils 24 da mars 2016. L’exposiziun publica dalla documentaziun ha
liug duront 30 dis naven dils 24 da mars entochen ils 25 d’avrel 2016 tier l’administraziun communala.
Ils acts d’exposiziun secumponan sco suonda:
Documents ligionts
• Prescripziuns pil plan d’areal
• Plan da formaziun areal Catrina 1:500
• Plan d’avertura Catrina 1:500
• Plan cun tagl traversal Catrina 1:500
Documents informativs
• Rapport da planisaziun
• Studi concepziunal davart variantas en connex cun la protecziun encunter aua gronda da
Eichenberger Revital SA
Publicaziuns ufficialas
• Fanzun Architekten und Ingenieure, Catrina Resort, project da baghegiar stan dils 17-3-2016
Duront il temps da publicaziun sa vegnir inoltrau alla suprastonza communala a scret giavischs e
propostas per midadas.
Disentis/Mustér, ils 22 da mars 2016
Suprastonza communala
Lenna da brisch
Damondas per lenna da brisch (pégn ni fau) ein da far en scret entochen ils 11 d’ avrel 2016 agl
uffeci forestal dalla vischnaunca da Mustér, Simon Cathomen, caum postal 57, 7180 Disentis/Mustér ni per e-mail; [email protected]. Per plascher indicar il sortiment giavischau (lenna sort
ni lenna fendida /resgiada) ed il quantum. Sin giavisch vegn la lenna era furnida franco a casa.
Uffeci forestal Disentis/Mustér
Serrada dalla via Pardomat
Igl uffeci cantunal da construcziun bassa dil Grischun cuntinuescha uonn cun la sanaziun dalla via
da communicaziun a Pardomat.
Duront las lavurs da construcziun sto la via vegnir serrada per scadin traffic sil tschancun Punt
Russein entochen tier la punt dil Rein.
Naven da mesjamna, ils 30 da mars entochen venderdis, ils 20 da matg 2016, mintgamai ils
luverdis, naven dallas 7.00 entochen allas 18.00.
In’untgida ei pusseivla sin la via da communicaziun Mustér–Cavardiras–Pardomat per vehichels
entochen 11 tonnas.
Per pedunzs e velocipedists ei il transit adina pusseivels. Cun las lavurs da construcziun da
vart dretga dil Reinvegn entschiet suenter miez matg 2016. Informaziuns pertuccont
l’untgida dil traffic suondan pli tard.
Per ulteriur sclariment san ins sevolver tier il responsabel digl uffeci da construcziun bassa dil
cantun, Pius Cavegn, telefonin 079 334 74 14, ni tier igl uffeci da baghegiar dalla vischnaunca da
Mustér, Ervin Maissen, telefon 081 920 36 46.
Nus engraziein per Vossa capientscha.
Disentis/Mustér, ils 21 da mars 2016
Uffeci da construcziun bassa dil Grischun, district 6, Pius Cavegn
Uffeci da baghegiar dalla vischnaunca da Mustér Ervin Maissen
Project per in archiv cultural
Fotos veglias, cudischs, collecziuns da scartiras, protocols, films e registraziuns sin pindellas. Tut
quei ein documents culturals e historics che meretan da vegnir archivai ed elavurai aschia ch’els
san era vegnir publicai per exempel sin ina plattafuorma digitala. Il prighel che documents rimnai
sur onns e decennis setschentien in mument el rumien ei daus e quei less la cuminonza impedir,
essend ch’ei setracta savens da documents precius e da muntada per la historia. Dacuort ei seformada la Gruppa d’interess per in archiv cultural dalla vischnaunca da Mustér. Sia finamira ei
d’endrizzar in archiv cultural e dar far quel era accessibels alla publicitad. Privats ni uniuns ch’ei
en possess da documents culturals e historics e che vulan che quels vegnien archivai en in liug
central, san surdar quels al spurtegl dall’administraziun communala ni als treis iniziants digl archiv
cultural Gion Tenner, Ervin Maissen e Hans Huonder. Entochen ch’ina localitad adattada persuenter ei anflada vegnan ils documents deponi egl archiv communal che sesanfla en casa da scola.
Gruppa d’interess archiv cultural Mustér
Publicaziuns ufficialas
Jamna 12
2
Publicaziuns ufficialas
Vischinadi Segnas/Mompé Tujetsch
Invit alla sera d’informaziun da mesjamna, ils 30 da mars 2016 allas 20.15 en casa da scola
Segnas.
Tractandas
1. Beinvegni
2. Presentaziun project meglieraziun funsila
3. Discussiun aviarta meglieraziun cun cumissiun, planisaders e suprastonza communala
4. Varia
Il project dalla meglieraziun funsila vegn en votaziun ils 24 d’avrel 2016. Perquei ei ina stedia participaziun giavischada.
Cordialmein envida
la suprastonza dil vischinadi Segnas/Mompé Tujetsc h
Uniun da dunnas Disentis/Mustér
Fiera da resti d’affons cun stiva da caffè
Niev: buffet da pettas e per ils affons in cantun da termagliar!
Nus prendein encunter bien, schuber ed entir resti da stad e d’unviern tochen grondezia 176,
vestgadira da gravidonza, termagls, calzers, sezs d’autos e da meisa, crotschas, velos, capellinas,
skis, scarsolas eav. Dunnas che drovan ina nova numera, ni han damondas san prender
si contact cun Rosmarie Duff, tel. 081 936 41 14
Dar giu resti:
Venderdis, igl 1. d’avrel 2016 dallas 16.30 entochen allas 17.00. Adatg: per plascher mintga grondezia da resti separau en ina tastga!
Vendita:
Venderdis, igl 1. d’avrel 2016 dallas 19.00–21.00.
Sonda, ils 2 d’avrel 2016 dallas 9.00–10.30.
Retuorn dil resti buca vendiu (minus 20%):
Il resti vegn returnaus e pagaus, sonda ils 2 d’avrel allas 12.30–12.45. Per uorden che maunca
savein nus surprender negina responsabladad.
Kinderkleiderbörse mit Kaffeestube
Neu: Kuchenbuffet und für die Kinder gibt es eine Spielecke!
Wir nehmen gut erhaltene, saubere und ganze Sommer- sowie Winterkleider bis Grösse 176 entgegen, Schwangerschaftskleider sowie Spielsachen, Schuhe, Auto- und Tischsitze, Kinderwagen,
Velos, Helme, Skis, Schlitten usw. Frauen, die eine Nummer brauchen oder Fragen haben, können mit Rosmarie Duff, Telefon 081 936 41 14, Kontakt aufnehmen.
Annahme:
Freitag, 1. April 16.30–17.00 Uhr in der Turnhalle Cons, Disentis. Achtung: Bitte jede Kleidergrösse separat in eine Tasche!
Verkauf:
Freitag, 1. April 2016, von 19.00–21.00 Uhr
Samstag, 2.April 2016, von 9.00–10.30 Uhr in der Turnhalle Cons, Disentis
Auszahlung (abzüglich 20%) und Rückgabe:
Samstag, 2. April, von 12.30–12.45 Uhr. Für fehlende Sachen können wir keine Haftung übernehmen.
Nus selegrein sin Vossa viseta
Uniun da dunnas Disentis/ Mustér, gruppa d’organisaziun fiera da resti
Publicaziuns ufficialas
Jamna 12
3
Publicaziuns ufficialas
Stallkino –
Cinema Salaplauna
Film: Of Horses And Men | Von Menschen und Pferden (IS 2013)
Mittwoch, 30. März, 20 Uhr Filmstart, Kollekte
Dorfleben in Island, irgendwo auf dem Land: Im Vergleich zur Surselva leben dort mehr Pferde als
Kühe, viel Schnaps wird getrunken, die Kirche ist der Dorftreffpunkt und Spiegeln gilt als wichtigste Freizeitbeschäftigung der Bevölkerung. Ein Spielfilm, der tragisch und amüsant zugleich das
menschliche Zusammenleben im Dorf erzählt.
Potzmusig»
sin viseta a Disentis/Mustér
Venderdis, ils 8 d’avrel 2016, denter las 18.00 e las 20.00 viseta Nicolas Senn cun l’emissiun
«Potzmusig» nossa vischnaunca. La tematica principala ei la 17. Fiasta federala d’accordeon che
ha liug naven dils 3 entochen ils 5 da zercladur 2016. L’emissiun sco tala vegn lu emessa el
decuors dil matg.
Il termin vegn publicaus pli tard.
Persunas interessadas san recaltgar bigliets d’entrada el chalet che vegn plazzaus avon halla
Cons sut: www.srf.ch/sendungen/potzmusig/tickets-potzmusig-unterwegs
Il CO 17. fiasta federala d’accordeon 2016
Uniun samaritana Mustér
Nies proxim exercezi meinsil ensemen cun l’uniun samaritana da Medel ha liug gliendisdis, ils 11
d’avrel 2016 allas 19.30 en casa da scola, Cons. Era buca commembers da noss’uniun che han
interess da fuffergnar inaga tier nus ein envidai cordialmein a quei exercezi.
A stedia participaziun envida
Uniun Samaritana Mustér, menadra tecnic
Cuors: Agid d’urgenza tier affons pigns
(Notfälle bei Kleinkindern)
Sonda, ils 16 d’avrel 2016, 8.00–12.00/14.00–18.00 en casa da scola, Mustér. Il cuors sedrezza
a mummas e babs, tattas e tats ed a tut las persunas che han da far cun affons pli pigns ed era pli
gronds.
Ulteriur sclariment ed annunzias entochen ils 6 d’avrel 2016 tier Letizia Schmed, 079 486 41 92, ni
e-mail [email protected]
Publicaziuns ufficialas
Jamna 12
4
Fly UP