La ViaLucmagn – dallas cauras tier las vaccas, dils capuns tiels

Regiun Surselva | Settember 2013
Oz retschevis Vus l’emprema gada nies newsletter per romontsch per la Regiun Surselva.
Nus selegrein d’informar cuntinuadamein la populaziun, las vischnauncas, mistregn e
survetschs sco era ils purtaders dallas prestaziuns el perimeter dil project Parc Adula davart
products novs e projects realisai enteifer il parc sco era davart il progress dil project
parc naziunal Parc Adula.
Ulteriuras informaziuns dattan a Vus bugen era vos partenaris da contact ella regiun,
ni che Vus saveis era visitar nus ella reit sut www.parcadula.ch
Rico Tuor | Via Lucmagn 19 | 7184 Curaglia | T 081 936 41 51 | [email protected]
La ViaLucmagn – dallas cauras tier las vaccas,
dils capuns tiels gnocchis
Viagiar sco cul traffic da sauma, arrivar sco ina pelegrina, magliar sco ina Romana e
pernottar sco in arzuestg: Cul program turistic “Kulturwege Schweiz” revivan aventuras da viadi dil temps vargau. Parc Adula, ViaStoria, Agid svizzer per regiuns da muntogna e Svizra Turissem promovan e sustegnan la ViaLucmagn sco pli nova purschida
turistica.
La senda da sauma che meina naven dalla claustra da Mustér sur il Pass dil Lucmagn
tochen ad Olivone/Luorscha ei ina via vegliuorda. Gia el temps vargau ei quella stada
da grond’impurtonza strategica, economica, politica e religiusa. En cumparegliaziun
cun auters pass sur las Alps fuva el specialmein tgunsch passabels ed accessibels.
Perquei era la ViaLucmagn ina transversala renomada e reha gia dil temps dils Romans ed el Medieval.
La ViaLucmagn ei denton buca mo in trutg cultural. Ella ei in veritabel viadi dil nord el
sid, naven dil clima frestg dil Grischun tier las temperaturas migeivlas dil Tessin, dallas cauras tier las vaccas, da capuns tiels gnocchis, dil romontsch sursilvan tiel dialect
tessines dalla Val Blegn, dallas casas-lenn tier las casas-crap. Grazia alla ViaLucmagn
savein nus guder en mo treis dis la multiculturalitad dil Parc Adula.
Products ch’ins sa reservar entuorn
la ViaLucmagn
• www.kulturwege-schweiz.ch
• Senda dils senns:
www.medelforsense.ch
• Excursiuns per scuvrir il Lucmagn:
[email protected]
• Trekking cun cauras ella Val Medel:
www.geissherz.ch
Cul project “Kulturwege Schweiz” da Via Storia dat ei per l’emprema gada in project schurmegiau da néz che sebasa direct sin in
inventari federal. Enten planisar las sendas da cultura risguard’ins en emprema lingia talas che fan gia part digl Inventari dallas vias da
traffic historicas en Svizra IVS. Cheutras sedattan pusseivladads unicas per ina cuntrada dalla natira e dalla cultura. Vitier tut san ins
sensibilisar la vasta publicitad per in svilup persistent dalla cuntrada.
Niev biro a Val S. Pieder
Nus selegrein d’arver naven da miez settember 2013 a Val S. Pieder nies biro regiunal dad informaziun e communicaziun. Nos novs collaboraturs Sandra Koch e Hubert
Gross vegnan a sustener el futur l’uniun ed il team Parc Adula tier lur acziuns, projects
ed ella lavur da publicitad.
Parc Adula
Residenza al Mai, Strada Cantonale
CH-6535 Roveredo
Tel +41 (0)91 827 37 65
[email protected], www.parcadula.ch
Ruta geo-turistica sur il Pass Soreda
Finamira da quei project eis ei d’elaborar ina ruta geo-turistica el coc dil Parc Adula.
Il settember 2013 han ins entschiet cullas lavurs vid quella senda ed igl ei previu d’inaugurar ella la primavera 2014.
Liug da sentupada dallas culturas
La finamira da realisar ina senda da viandar geo-turistica duei colligiar idealmein
omisdus cantuns participai Tessin e Grischun. El medem mument colligia quella las
regiuns linguisticas talian, tudestg e romontsch che circumdeschan il massiv digl
Adula/Rheinwaldhorn/Péz Valrein. La senda duei esser adattada buca mo per alpinists trenai mobein era per viandonts cun cundiziun mesauna. Aschia han ins elegiu ina
ruta che colligia sur il Pass Soreda, il Lago di Luzzone ed il Lag da Zervreila.
Attracziun turistica grazia a fermadas GEO
Silla ruta da viandar eis ei planisau da porscher cerca in tozzel loghens da panorama
(fermadas GEO). Da quels anora san ins far interessantas observaziuns sco era veser
formaziuns caracteristicas dalla geologia e geomorfologia. Las tematicas tractadas
ein en stretg ligiom cul patrimoni geologic dalla regiun, culla relaziun da lezza enviers l’ierta biologica ed archeologic-historica sco era enviers il project cumplessiv
dil Parc Adula.
Las impressiuns ch’il viandont survegn direct silla ruta, san ins sustener supplementarmein cul sistem da WebGIS. Cheutras ha el a disposiziun per sia excursiun in instrument da planisar ideal che renda attent el duront la tura sin aspects ed attracziuns
defini specialmein.
Dr. Cristian Scapazza (SUPSI – Scuola universitaria professionale della Svizzera italiana) accumpogna concepziunalmein il project che las vischnauncas Blenio e Val S.
Pieder sco era il Parc Adula sustegnan finanzialmein.
Sanaziun dalla senda Zapport
Daventei fan dil Parc Adula e suandei nos
projects e nossa squadra. Parti nossas informaziuns cun Vos amitgs, mirei sur la schuiala
a nos meinaprojects e retschevei biaras informaziuns nizzeivlas davart il project dil parc
naziunal Parc Adula!
Attractiva ei era igl APP dil Parc Adula che
Vus saveis cargar giu gratuit.
E naturalmein survegnis
Vus era tuttas
informaziuns davart
il Parc Adula sut
www.parcadula.ch
Impressum
En collaboraziun culla vischnaunca da Valrein ed ils absolvents dil survetsch civil dalla Reit dalla natira dil Grischun, e grazia al sustegn finanzial ed organisatoric dil Parc
Adula han ins saviu sanar el decuors dallas davosas jamnas il trutg beinfrequentau
che meina tier la camona da Zapport. Ei setracta d’ina dallas pli veglias camonas dil
CAS e schai entadem Valrein sin rodund 2300 m.s.m. Da cheu anora para il péz ch’ei
3402 m. s. m. fetg datier. Per tudestg senumna el Rheinwaldhorn, per talian Piz Adula
e per romontsch Péz Valrein. Al Parc Adula ha el dau il num. Il trutg che suonda il Rein
posteriur stat ussa puspei a disposiziun a viandonts ed alpinists digl entir mund.
Editur
Parc Adula, 6535 Roveredo
www.parcadula.ch
Concept & Redacziun
Team Parc Adula
Stampa
selva caro druck ag, 7018 Flims
Calender 2013
14-9-2013
Viseta guidada da
Hinterrhein/Valrein
6 – 12-10-2013
Cuors da construir mirs
schetgs Calanca
12-10-2013
Viseta guidada da
Hinterrhein/Valrein
12-11-2013
Sera d’orientaziun Aventura
Parc Adula, cun discussiun al podi,
Soazza,
Centro Culturale Soazza, 20.00h
20-11-2013
Sera d’orientaziun Aventura
Parc Adula, cun discussiun al podi,
Hinterrhein/Valrein,
sala communala, 20.15h
28-11-2013
Sera d’orientaziun Aventura
Parc Adula, cun discussiun al podi,
Serravalle,
sala communala, 20.00h
15-11-2013
Sera d’orientaziun Aventura
Parc Adula, cun discussiun al podi,
Mustér,
Center Sursilvan d’agricultura,
20.00h
23-11-2013
Sera d’orientaziun Aventura
Parc Adula, cun discussiun al podi,
Augio,
Albergo La Cascata, 16.00h
11-12-2013
Sera d’orientaziun Aventura
Parc Adula, cun discussiun al podi,
Val S. Pieder,
halla da gimnastica, 20.00h