lamento di un servo ad un santo crocifisso

LAMENTU DI UN SERVU A UN SANTU CRUCIFISSU
Strofe tratte dalla raccolta del Lionardo Vigo
Nuovo arrangiamento del Kamesena Group
Un servu, tempu fa, di chista chiazza,
accuss’ prijava a un Cristu, e cci dicia:
Signuri, ù me’ patruni mi strapazza,
mi tratta comu un cani pi la via,
tuttu si pigghia ccu la so manazza,
la vita dici chi mancu è la mia;
si jò mi lagnu peju m’amminazza,
ccu ferri mi castija e prigiunia;
pi chistu jò vi preju, sta mala razza
Distruggitila vui, Cristu pi mia.
Distruggitila vui, Cristu pi mia.
E Cristu da la cruci ci rispusi:
E tu forsi chi hai junchi li vrazza,
o puru l’hai ‘nchiuvati comu a mia?
Cui vòli la giustizia si la fazza,
né speri ch’autru la fazza pri tia.
Si tu sì omu e nun si’ testa pazza,
metti a profittu sta sintenza mia.
Jò, non saria supra sta cruciazza,
s’ ‘avissi fattu quantu dicu a tia.
Per evitare il diffondere idee rivoluzionarie:
E tu ti scurdasti o testa pazza,
chiddu ch’è scrittu ‘ntra la liggi mia?
Sempri ‘nguerra sarà l’umana razza
Si ccu l’offisi l’offisi castija;
a cui ti offenni lu vasi e l’abbrazzi,
e in Paradisu sidirai ccu mia;
mi misiru l’ebrei ‘nta sta cruciazza,
e celu e terra disfari putia.