`O Schiaffo

PASQUALE PONZILLO
’O Schiaffo
Bozzetto napoletano in versi*
__________
Terza edizione
NAPOLI
DOMENICO ABBATINO
Libreria Teatrale
Via Sapienza num. 9.
1901
*
La trascrizione e diplomatica (compresi i capoversi).
PASQUALE PONZILLO
’O SCHIAFFO
BOZZETTO NAPOLETANO
Terza Edizione
Rappresentato al Real Teatro Mercadante (già Fondo) al Bellini ed al S. Ferdinando in Napoli
dalla Compagnia diretta dal Cav. Federico Stella e Antonio Allegretti.
PERSONAGGI
ATTORI
Donnn’Agnese, madre di
Rosa e
Gennarino
Tore, amante di Rosa
Don Peppe, portinaio
Rafele
Pascariello, muzzonaro
Nannina
Don Carluccio
Vicienzo
Papele
Marietta Del Giudice
Amalia Minichini
Antonio Allegretti
Crescenzo Di Majo
Eduardo Minichini
Giuseppe Pironi
Alfonso del Giudice
Cristina Minichini
Gaetano Pretolani
Nestore Montaperte
Vincenzo Raimo
Suonatori e Guardie
L’azione è in Napoli, epoca presente.
ALL’ESIMIO ARTISTA
ANTONIO ALLEGRETTI
CHE PRIMO DIÉ VITA
AL PROTAGONISTA DI QUESTO BOZZETTO
L’AUTORE RICONOSCENTE
ATTO UNICO
La scena rappresenta una strada, a sinistra la casa di Donn’ Agnese e una cantina. – Alla prima
quinta a destra una palazzina.- È sera.
Nell’alzarsi la tela si ode da dentro la voce a distesa del venditore di fichi d’India:
NANASSE,’E FRUTTE PE CHI F’ AMMORE, TENGO STASERA.
SCENA I.
TORE E PAPELE
(escono dalla cantina)
PAPELE
TORE
PAPELE
TORE
PAPELE
TORE
PAPELE
TORE
PAPELE
Ma comme io faccio ammore cu Nannina,
’a quase n’anno, e, sango d’ ’a colonna!,
stasera,’o Naso ’e cane, int’ ’a cantina,
m’ha disprezzato tanto chella ronna.
Va buono, statte zitto.’O naso ’e cane,
’o juorno vene ancora int’Arenaccia?
Gnorsì.
Embè, vattenne; e, pe dimane,
se nun te cerca scusa, ’o ntacc’ ’a faccia!
(Rosa comparisce sulla soglia della sua casa)
Allora, se credete, a vintunore,
v’aspetto ’a stazione ’a via’ partenza.
A vintunore. (gli dà la mano)
Site n’ommo ’e core!
Statte buono, Papè.
All’ubberienza! (via)
SCENA II
ROSA E TORE
TORE
ROSA
TORE
ROSA
TORE
ROSA
Tu staie ccà! E comme va a chest’ora,
si scesa mmiez’ ’a via sola, sola?
Vogli ’a vedè si mammema stà ancora
parlanno cu don Peppe … (per andare)
Na parola
T’’a pozzo di?
Vattenne, tu nun saie
chello ca sto patenno pe st’ammore.
Va buò, venimmo a nuie, lassammo ’e guaie;
dimme: tu me vuò bene ’e vero core?
Te voglio bene si, te voglio bene;
TORE
ROSA
TORE
ROSA
TORE
ROSA
TORE
ROSA
TORE
ROSA
Ma famme nu favore …
Pur ’a vita.
Embè, se vuò distruggere sti pene,
lass ’e cumpagne, lassa ’a mala vita!...
Sient’’e consiglie mieie, fatte capace,
che pateme, surtanto ’e sta maniera,
se scorda d’’o passat, e starà mpace.
’A soleta canzone ’e ogne sera.
’A soleta risposta.
Tu m’apprietto.
E nun capisce che, si lasse amice,
io perdarraggio ’annore e ’o rispetto.
Allora nun sarrammo maie felice!...
Pe mo, vuoglieme bene, core mio.
Che po’ felice nce sarrammo appriesso.
Mammema … fuie ….
Damme nu vaso …. Addio (esce)
È malamente, e ’o voglio bene ’o stesso.
SCENA III
DETTA, DONN’AGNESE E DON PEPPE
(escono dalla palazzina)
DON PEPPE
ROSA
DON PEPPE
DONN’AGNESE
Donn’Agnè,v’arraccumanno:
nun dicite na parola
ncopp’ ’o fatto, ’e mo fa ll’anno,
d’ ’a vammana e ’o masto ’e scola.
Comme pure, stanno dinto,
v’aggio ditto chillo fatto,
c’ ’a mugliera ’e ’on Giacinto
apparaie sequestro e sfratto …
(Ma comme va che frateme
nun torna ’a chesta via?)
Capite, po’ succedere
che stanno ncumpagnia
cu Teresina e Amalia,
Cu Briggeta e Maria …
Jarria cuntanno chiacchiere
cu ’e guaie d’ ’a casa mia?!...
(suona mezzanotte)
ROSA
DONN’AGNESE
ROSA
DON PEPPE
DONN’AGNESE
Nientemeno mezzanotte!
Figlia mia si tiene suonno,
va te cocca.
Buonanotte. (via)
Buonanotte, Rusinè
Caro ’on Peppe, sta guagliona
DON PEPPE
DONN’AGNESE
DON PEPPE
DONN’AGNESE
DON PEPPE
se ne scenne ’a inte’ ’e panne,
pe na brutta passiona
c’ ’o figliasto ’e ’on Giuvanne.
Cu Totore! Chillu tale,
che na sera ’a pulizia,
l’arrestaie int’ ’o lucale
’e Totonno ’a Conciaria?
Propet’ isso.
E ’a figlia vosta
sap ’o fatto, quann’ ’o pate
s’ ’o chiammaie, e, pe risposta,
chillo piezzo ’e scellerato
s’avutaie: «Caro ’on Ciccio.
Se per poco non volete.
Fate male, e stu capriccio
Vi rovina … riflettete:
quando rico care il mondo,
care tutto; e non ci vuole
che mi spieghi chiaro e tondo!»
E Don Ciccio a sti parole,
a sti specie ’e bravure,
se nfucaie, perdett’ ’e staffe …
Sape tutto.
Sape pure
quann’ ’o pate avette ’o schiaffo?...
Cu st’offesa fatta ’o pate,
tene ’o core ’e nce f’ammore!
Ma, chi sa, qua juorno ’o frate,
sape ’o fatto, e accire a Tore.
SCENA IV
GENNARINO IN DISPARTE E DETTI
DONN’AGNESE
DON PEPPE
DONN’AGNESE
DON PEPPE
DONN’AGNESE
DON PEPPE
GENNARINO
DONN’AGNESE
GENNARINO
DONN’AGNESE
GENNARINO
(Zitto, p’ammore’e Dio! Vutate fuoglio,
ca stà venenno figlieme)
Va bene …
Avrate ditto vuie: nu poco d’uoglio
Voglio vedè ’on Peppe si ’o tene.
Scusate ch’io ve secco ore e mumente.
Cercate cose grosse.
Grazie
Niente. (via)
Che’è stato?
Niente … Sulamente’a lampa,
che stà allumata nnante’o Crocifisso,
nu poco more, e n’auto poco campa.
Megli’è: restamm’oscuro nuie e isso.
Che songo sti parole? Quanno maie
’E parlato accussì?
Dimane ’o ssaie.
DONN’AGNESE
GENNARINO
Tu porte scritto collera,
vicino a chisto viso;
parla, fallo pe l’angiole,
che stanno mparaviso,
ch’è stato? Che vò dicere
chisto dimane tuio?
Voglio parlà cu sorema,
d’’o nnammurato suio.
SCENA V.
DON PEPPE E DETTI
DON PEPPE
DONN’AGNESE
DON PEPPE
GENNARINO
DON PEPPE
GENNARINO
DON PEPPE
GENNARINO
DON PEPPE
GENNARINO
DONN’AGNESE
GENNARINO
Teccove l’uoglio.
Grazie.
D’’a troppa gentilezza.
Patrona. (s’allontana)
’On Pè, restateve,
Faciteme ’a finezza,
Vuie site viecchio, e sentere
Putite stu trascuro.
’E che se tratta?
’E sorema …
(Mo vene ’o ballo ’ ll’urzo!)
Sentite, oi mà, trovanneme
Pe dint’’o Lavenaro,
Aggio ncuntrato a Mineco,
’O figlio ’o crapettaro;
E m’ha parlato ’e pateme,
D’’a questione ’e Tore,
Tanto da farme sentere,
Na curtellata ’o core.
Doppo m’ha ditto: sienteme,
T’agg’’avvertì na cosa;
Tore, parlanno ’soreta,
Se vanta che s’’a sposa …
S’’a sposa!... Io m’aggi’’a vevere,
’O sango ’e stu birbante.
Don Gennarì, carmateve,
Facitele p’’e sante!
Oi mà, parlate, nun restate muta,
Diciteme si sorema f’ammore,
Cu Tore, cu chell’anema perduta.
Crideme, figlio mio, na vota, Tore,
Faceva ’o spantecato, e Rusinella
Steva sempe affacciat’’a fenestella.
Nu juorno, anze na sera, fora ’o vico,
Nce steva Tore, patete ’o chiammaie,
T’avverto, cagna via, si no so guaie:
St’ammore tuio fernesce malamente!
E Tore?
DONN’AGNESE
GENNARINO
DONN’AGNESE
GENNARINO
DON PEPPE
GENNARINO
DONN’AGNESE
GENNARINO
DON PEPPE
DONN’AGNESE
GENNARINO
DONN’AGNESE
GENNARINO
DONN’AGNESE
GENNARINO
DONN’AGNESE
DON PEPPE
Nun dicette proprio niente.
Stu proprio niente pare troppo poco.
T’’o giuro ….
Nun ghiurate, io saccio tutto!
(’On Gennarino tene l’uocchie ’e fuoco:
Stasera ’o fatto se prepara brutto!)
’O schiaffo dato a pateme,
pe quanto esiste Dio,
Tore m’’o pava!
Càrmete,
Càrmete, figlio mio.
Maie e po maie!
(Povera donn’Agnese)
Ma siente a mme.
Pateme nvita soia,
Nun ha sofferte maie simmele offese!
(Madonna mia, miettece ’a mana toia!)
Rosa addò stà? Voglio parlà cu essa.
Sta ncoppa.
Iammo ncoppa. (via)
( a D. Peppe) Permettete.(via)
Facite ’e fatte vuoste … (Vanno ’e pressa,
Pare c’uno me dice:’On Pè, chiudete!) (via)
SCENA VI
D. CARLUCCIO E VICIENZO
(Escono dalla cantina)
D. CARLUCCIO
VICIENZO
(ubriaco)
Ami-co, quando il gio-co fi-la bene,
allora il giocator diventa forte! (per cad.)
Stasera, a Don Carluccio, chi ’o mantene,
Cu tanto vino dint’’a capa ’e morte?
(vanno via barcollando)
SCENA VII
NANNINA INDI RAFELE DALLA CANTINA
NANNINA
RAFELE
NANNINA
RAFELE
NANNINA
RAFELE
Mastu Rafè, ascite nu mumento.
Ch’è stato?
Jate ’a casa; ’a mamma vosta,
Sta ncopp’’o lietto, cu nu svenimento.
E c’aggi ’a fa?...
Io so’ venuta apposta
Pe di’,c’’a puverella ritto nfatto,
E’ ghiuta nterra, e nun dà segno ’e vita.
Va buè, quanto fernesco sta partita.
( Raf. Rientra in cantina, Nann. Via facendosi il segno della croce. Due guardie di P.S.
attraversano la scena senza fermarsi)
SCENA VIII.
PASCARIELLO ’O MUZZONARO
PASCARIELLO
Io quanno steva dinto San Francisco,(1)
Steva cumm’’a nu piccolo signore;
Avev’’a zuppa, ’o panelluccio frisco,
’O lietto, e m’arrangiavo p’’o fumà;
Mo stongo ’a fora,e, cu sta dio ’e lanterna,
Cammino na nuttata, e quanno è doppo,
Dormo pe terra, e magno int’’a taverna:
Scusate, a che me giova ’a libertà?
(Concerto comico a piacere dell’attore. Si ode in lontananza un accordo di chitarra e mandolini)
(1) Carcere.
SCENA IX
DETTO. TORE CON SUONATORI, INDI D.PEPPE
TORE
TUTTI
TORE
DON PEPPE
TORE
DON PEPPE
TORE
DON PEPPE
TORE
DON PEPPE
TORE
DON PEPPE
TORE
DON PEPPE
Amice mieie, sott’a sta fenestella,
Cantammo na canzona appassionata,
P’’a nnammurata mia, per Rusinella.
Nce simmo.
Prufessù, sunate in sol.
Oi Tò, primm’’e cantà chesta canzona,
C’’o permesso ’ st’amice, na preghiera.
Dicite.
Si vuo’ fa’ na cosa bona,
Sti suone puortancille n’ata sera,
Pecchè?
Pecchè stasera nun è cosa;
Stasera, te ncuiete seriamente,
Si è lecete, cu chi?
C’’o frate ’e Rosa.
Cu Gennarino? Cu chill’ommo ’e niente!
Sarrà, m’’o frate, oi Tò, è sempe frate,
Perciò siente ’o cunziglio ’e chist’amico,
Vattenne.
Dite bene (ai suon.) A vuie suonate.
( Dimane fanno ’e nummere int’’o vic
SERENATA
I.
TORE
Napole bello mio, Napole caro,
Tu pare nu pezzullo ’e paraviso;
’E vvote, quanno tiene ’o musso amaro,
Pare cumme tenisse ’o pizzo a riso.
Napole bèllo mio, Napole caro
II
A sti bellezze toie, surtanto Rosa,
S’arrassumiglia assaie. Viat’a essa!
Si dorme o stà scetata, e ’a stessa cosa;
Si stà ncuttosa o allera, è sempe ’a stessa.
Che bello naturale, tene Rosa.
( Mentre i suonatori eseguiscono il ritornello,
esce Gennarino)
SCENA X.
GENNARINO E DETTI, INDI D. AGNESE E ROSA
GENNARINO
DON PEPPE
GENNARINO
TORE
GENNARINO
TORE
Nu mumento …
(a Pascariello) Mo corrono ’e mazzate!
Vurrìa sapè sta serenata vosta,
A chi è diretta, e ccà chi v’ha mannate?...
Cumm’è, nisciuno ’e vuie me dà ’a risposta?
Ve risponn’io. Pe farve persuaso,
’On Gennarì, si vuie ve site offeso,
Mpresenza ’amice, nu’ nce fate caso:
Dimane nce vedimme arreto ’e Mprese.
Crapa, caccia ’o rivorvere. (cava il rev.)
A Tore stu disprezzo. (cava il rev).
(Tutti fuggono, D. Peppe chiude il portone)
Carogna, ’o schiaffo a pateme,
M’’o pave a caro prezzo …
Spara … (sparano)
TORE
Mamma d’’o Car … me … ne!... (cade)
(Tutti ritornano in iscena sbigottiti)
DONN’AGNESE
Ch’he fatto?
ROSA
Scellerato!
GENNARINO
Niente!...Cu mme, nu debbeto
Teneva, e ... m’ha pavato!...
GENNARINO
Quadro analogo---Voce da dentro:
NANASSE, ’E FRUTTE PE CHI F’AMMORE, TENGO STASERA.
(cala la tela lentamente)